Phir ek baar

Yunhi chalti jaa rahi hai zindagi,
Na pata manzil ka aur na nishaan raste ki,
Dil mein kuch lamhe liye chal rahe hain,
Kisi ki bas ab yaadein liye chal rahe hain,

Muskaan mein phir se ek dard si ghul gayi,
Khushi par kisi ki phir se nazar lag gayi,
Ashk na phir se aaye ye ibadat reh gayi,
Aur unke saath rahe kushi ye dua bhi aa gayi

Chalo, phir se jeene ki koi wajaah dhoond le,
Phir kisi daud ki raftar mein doob le,
Junoon si koi khwaahish dil mein bhar le,
Aur jeeye ja, mere yaar, tu bas jeeye jaa...